Arrestohet i dyshuari për armëmbajtje pa leje në Viti, i sekuestrohet arma me 8 fishekë

15:27 | 23 Janar 2024
E.K

Policia e Kosovës ka njoftuar se sot ka arrestuar njё person nё Viti, nёn dyshimin pёr armёmbajtje pa leje.

Sipas njoftimit bëhet e ditur se tek i dyshuari kanë gjetur dhe konfiskuar një revole të tipit TT M-57 e kalibrit 7.62, një karikator dhe 8 copë fishekë të gjitha pa leje.

I dyshuari është arrestuar dhe dërguar në Stacionin Policor Viti ku është intervistuar në bazë të procedurave ligjore.

“Në lidhje me rastin është njoftuar Prokurori i Shtetit dhe ndaj të dyshuarit do të ngritët kallëzim penal për veprën penale ,,Mbajtja në pronësi, kontroll ose posedim të paautorizuar të armëve’’, rast i cili do të procedohet në Prokurorinë themelore në procedurë të rregullt.”, thuhet në njoftim./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm